Begrüssungsversli

 

Grüzi, Grüzi Grüzi miteenand

Grüzi grossi Lüt, Grüzi chlini Lüt

Grüzi dünni Lüt, Grüzi starki Lüt,

grüzi lustigi Lüt, Grüzi truurigi Lüt

Grüziiii Spielgruppe Lüt

 

 

Znüni

 

Hokus Pokus Fidibus

jetzt zauberä mir es Znüni druss


Rolle,Rolle der Tisch ist volle

unsere Mägen die sind leer

brummen wie ein Bär......(wääääh) :)

 

 

Värsli zum Singä und Bewegä


Dört anä uf em Bergli 1,2,3

dört klatsche chlini Zwärgli 1,2,3

dört anä ufem Bärgli 1,2,3,

dört stampfä chlini Zärgli 1,2,3,

dört anä ufe, Bergli 1,2,3

dört singe chlini Zwärgli 1,2,3

dört änä ufem Bergli 1,2,3,

dört trinkä chlini Zwärgli 1,2,3

dört änä ufem Bergli 1,2,3,

dört tanzä chlini Zärgli 1,2,3,

dört änä ufem Bergli 1,2,3,

dört schlofä chlini Zärgli 1,2,3,



Häsli i dä Gruebä

sitzt und schloft

sitzt und schlof

säg mol Häsli bisch du chrank,

dass du nüme hüpfe chansch

Häsli hüpf, Häsli hüpf



Fingervärsli


Dä goht uf Afrika

Dä luegt em truurig na

Dä seit auf Wiederseh

dä seit ade-ade pass uf am Nil

do hätts es grosses Krokodil


Das isch dr Duume

dä schüttlet d`Pflume

Dä liest sie uuf

Dä treit sie hei

und dä Chlini isst se ganz allei



Verabschiedig


s`Elfi Glöckli lütet scho

jetzt isch Zit zum heime go go

uf em Weg nid umestoh

au nid wie es Schnäggli go

bimbam bimbam bum


Lebet wohl lebet wohl

chömmet guet heim

laufet jetzt alli gschwind bis er deheime sind

lebet wohl, lebet wohl

chömmet guet heim


 

 

 

 

 

 

 

 


Impressum | Datenschutz | Cookie-Richtlinie | Sitemap
©Annette Schönleber